عالمی برادری نال رل تے سیلاب زدگان دا ہتھ ونݙایا ویسی، آئی ایم ایف

عالمی مالیاتی ادارے (آئی ایم ایف) دے نمائندے آکھیے جو عالمی برادری نال رل تے پاکستان دے سیلاب زدگان دا ہتھ ونݙایا ویسی۔ سیلاب نال معاشی نقصانات اتے سیلاب زدگان دی امداد باعے نمائندہ آئی ایم ایف ہک بیان اچ آکھیے جو آئی ایم ایف پاکستان اچ سیلاب دے تباہ کن اثرات تے ݙکھی اے، ساݙیاں ہمدردیاں لکھاں سیلاب متاثرہ ٹٻراں نال ہین، عالمی برادری نال رل تے پوری کوشش ہوسی جو ایں اوکھ توں نکلݨ کیتے پاکستان دا ہتھ ونݙیڄے اتے سیلاب زدگان دی مدد کریڄے، موجودہ پروگرام دے تحت ریلیف و بحالی اقدامات اچ ہتھ ونݙیسوں۔