توہین آمیزتے گستاخانہ مواد کوں اپ لوڈ کرݨ تے کھنڈاوݨ قابل تعزیر جرم اے،وزارت مذہبی امور

اسلام آباد۔19ستمبر (اے پی پی):وزارت مذہبی امور سوشل میڈیا صارفین کوں چتاوݨی ݙتی اے جو مذہب کیتے کہیں وی قسم دے توہین آمیزاتے گستاخانہ مواد کوں اپ لوڈ کرݨ ،شیئرکرنا اتے کھنڈاوݨ ملک دے قانون دے تحت قابل تعزیر جرم اے۔ سنوار کوں اے پی پی نال خصوصی ڳالھ مہاڑ کریندے ہوئیں وزارت مذہبی امور دے ترجمان آکھیے جو سوشل میڈیا تے توہین آمیز مواد دے سد باب کیتے وزارت مذہبی امورھک ایپکس کمیٹی قائم کیتی ڳئی جیڑھی جو ایں حوالے نال ملݨ آلیاں شکایتاں دا جائزہ گھن تے پاکستان ٹیلی کمیونیکیشن اتھارٹی کوں کاروائی کیتے سفارشات پیش کریندی اے ۔ انہاں آکھیے جو پاکستان پینل کورٹ دی دفعہ 295 اے دے تحت مذہبی جذبات کوں مجروح کرݨ تے 10 سال قید، جرمانہ یا ݙوہیں سزاواں تھی سڳدن ۔ دفعہ 295 بی جیڑھی قرآن پاک دی بے حرمتی متعلق اے ،ایں تے عمر قید دی سزا ݙتی ونڄ سڳدی اے ۔ دفعہ 295 سی نبی کریم ﷺ دے خلاف توہین آمیز کلمات متعلق اے ایں تے سزا موت یا عمر قید یا جرمانہ اے جݙاں جو پاکستان پینل کورٹ دی دفعات 298 اے اتے بی مذہبی جذبات کوں ٹھیس پڄاوݨ تے مقدس ہستیاں دے خلاف توہین آمیز کلمات متعلق ہن۔ انہاں دے تحت 3 سال قید ، جرمانہ یا ݙوہیں سزاواں ݙتیاں ونڄ سڳدن ۔ وزارت مذہبی امور دی ایپکس کمیٹی دی سفارشات دی روشنی اچ پی ٹی اے کوں اے اختیار حاصل اے جو او ایں سلسلے اچ مناسب کارروائی کریندے۔