نیو یارک ۔19ستمبر (اے پی پی):پاکستان دے وزیر خارجہ بلاول بھٹو زرداری اقوام متحدہ دی جنرل اسمبلی دے 77ویں اجلاس اچ شرکت کیتے اتوار دی شام نیویارک پڄ ڳئن ، اقوام متحدہ اچ پاکستان دے مستقل مندوب منیر اکرم، امریکا اچ پاکستان دے سفیر مسعود خان، نیویارک اچ قونصل جنرل عائشہ علی اتے اقوام متحدہ اچ پاکستانی مشن تے قونصلیٹ جنرل دے حکام وزیر خارجہ دا استقبال کیتا۔ اجلاس اچ …
وزیر خارجہ بلاول بھٹو زرداری جنرل اسمبلی دے اجلاس اچ شرکت کیتے نیویارک پڄ ڳئن
نیو یارک ۔19ستمبر (اے پی پی):پاکستان دے وزیر خارجہ بلاول بھٹو زرداری اقوام متحدہ دی جنرل اسمبلی دے 77ویں اجلاس اچ شرکت کیتے اتوار دی شام نیویارک پڄ ڳئن ، اقوام متحدہ اچ پاکستان دے مستقل مندوب منیر اکرم، امریکا اچ پاکستان دے سفیر مسعود خان، نیویارک اچ قونصل جنرل عائشہ علی اتے اقوام متحدہ اچ پاکستانی مشن تے قونصلیٹ جنرل دے حکام وزیر خارجہ دا استقبال کیتا۔ اجلاس اچ پوری دنیا توں تقریباً 140 رہنما شریک تھیسن ۔ واضح رہے جو وزیر خارجہ سمرقند اچ شنگھائی تعاون تنظیم دے سربراہی اجلاس اچ شرکت توں بعد اتوار دی سویل واشنگٹن پڄے ہن ۔وزیر خارجہ بلاول بھٹو زرداری جی ۔77 اتے چین دے وزرا خارجہ دےسالانہ اجلاس تے او آئی سی وزراخارجہ دے سالانہ کوارڈینیشن اجلاس دی صدارت دے نال نال کئی اعلیٰ سطح دے اجلاس اچ شرکت ، ٻہوں سارے ملکاں دے وزرا خارجہ نال ملاقاتاں ، تھنک ٹینک توں خطاب تے او آئی سی رابطہ گروپ جموں و کشمیر دے اجلاس اچ شرکت کریسن۔
