اسلام آباد۔20ستمبر (اے پی پی) صدر مملکت ڈاکٹر عارف علوی آکھیا جو کمبوڈیا اتے پاکستان وچال سرمایہ اکری، تجارت اتے کاروباری عتاون دے ٻہوں گنجائش اے جئیں دی بھرپور صلاحیتاں توں فائدہ چاوݨ دی لوڑھ اے۔ ݙوہیں ملکاں اچ گارمنٹس اتے ٹیکسٹائل دے شعبے انہاں دی معیشتاں اچ ریڑھ دی ہڈی دی حیثیت رکھیندن ۔ صدرمملکت اے ڳالھیں ورلڈ برج گروپ آف کمپنیز، کمبوڈیا دے چیئرمین بورڈ آف ڈائریکٹرز نیک اوکھنا ریتھی سیئر نال ڳالھ مہاڑ کریندیں ہوئیں آکھی جنہاں منگل کوں ایوان صدر اچ انہاں نال ملاقات کیتی۔ ملاقات اچ صدرمملکت پاکستان دے ہیلتھ کیئر، رئیل اسٹیٹ، توانائی، زراعت، ہائوسنگ، تعمیرات، ماربل، گرینائٹ، پری فیبریکیٹڈ ہائوسز اتے سیاحت دے شعبیاں اچ سرمایہ کاری دے موقعیاں تے روشنی پاتی۔ انہاں آکھیا جو پاکستان وے وسیع و عریض مناظر، مختلف موسمیاتی زونز، بدھ مت دے آثار قدیمہ، پہاڑ، ساحل، دریا، وسیع صحرا اتے پنجاب اتے سندھ دی زرخیز زمیناں ہن جیڑھی جو سیاحت دے شعبے اچ سرمایہ کاری دے ٻہوں موقع ہن۔ ایں موقع تے نیک اوکھنا ریتھی سیئر آکھیا جو او ٹیکسٹائل اتے خام مال دی درآمدات، لاجسٹکس، پراپرٹی ڈویلپمنٹ، ٹیکنالوجی، خوراک اتے مشروبات، میڈیا، مہمان نوازی، ای کامرس، بینکنگ اتے سیکورٹی دے شعبیاں دے تعاون دے خواہاں ہن۔ وفد ݙوہیں ملکاں وچال تجارت، کاروبار اتے سرمایہ کاری دے امکانات دا جائزہ ڳھنݨ کیتے مارکیٹ سروے کریسی۔
