بدترین چھل پاروں 2023 اچ پاکستان دی معیشت دی نمو دی شرح 3.5 فیصد تئیں رہوݨ دا امکان اے، ایشیائی ترقیاتی بینک

اسلام آباد۔21ستمبر (اے پی پی) ایشیائی ترقیاتی بینک آکھیا جو بدترین چھل پاروں 2023 اچ پاکستان دی معیشت دی نمو دی شرح 3.5 فیصد تئیں رہوݨ دا امکان اے۔ اے ڳالھ ایشیائی ترقیاتی بینک ، ایشین ڈولپمنٹ آوٹ لک 2022 دے ناں نال چھپݨ آلی رپورٹ اچ آکھی اے۔ رپورٹ اچ ݙسیا ڳیا جو 2020 اچ چھی فیصد نمو دے باوجود بدترین چھل، مالیاتی اتے ٻاہرلی ادائیگیاں اچ توازن کیتے سخت گیر پالیسی پاروں پاکستان دی معیشت دی نمو دی شرح 3.5 فیصد تئیں رہوݨ دا امکان اے۔رپورٹ اچ ݙسیا ڳیا جو مالی سال 2022 اچ مقامی کھپت اچ ودھارا، زراعت، خدمات اتے وݙی صنعتاں دی پیداوار اچ نمایاں نمو پاروں جی ڈی پی اچ چھی فیصد ودھارا ممکن تھیا جڈانجو 2023 اچ ماحولیاتی رکاوٹاں، ڈبل ڈیجٹ افراط زر اتے سخت زری ومالیاتی پالیسی پاروں پاکستان اچ جی ڈی پی دی نمو دی پیشین گوئی کوں ڳھٹ رکھیا ڳئے۔ پاکستان اچ ایشیائی ترقیاتی بینک دے کنٹری ڈائریکٹرینگ یی ݙسیا جو بدترین چھل پاروں 2023 اچ پاکستان دی معیشت دی نمو دی شرح 3.5 فیصد تئیں رہوݨ دا امکان اے۔