ڈیجیٹلائزیشن نال کاروباری اداریاں دی کارکردگی ودھسی، پاکستان آپݨے آئی ٹی سیکٹر پاروں ترقی دی دوڑ اچ اڳوں نکل سڳدے، صدر مملکت ڈاکٹر عارف علوی دا گوگل کیریئر سرٹیفکیٹ پروگرام دی لانچنگ تقریب نال ورچوئل خطاب

اسلام آباد۔22ستمبر (اے پی پی) صدر مملکت ڈاکٹر عارف علوی ملک دے نینگراں اتے تریمتیں تے زور ݙتا جو او انسٹی ٹیوٹ آف رورل مینجمنٹ اتے اگنائیٹ دے تعاون نال شروع کیتے ڳئے گوگل دے کیریئر سرٹیفکیٹ پروگرام دے تحت پیش کردہ 15,000 آن لائن کورسز اچ حصہ پاون اتے انہاں توں فائدہ چاون۔ ڈیجیٹلائزیشن نال کاروباری اداریاں دی کارکردگی ودھسی، پاکستان آپݨے آئی ٹی سیکٹر پاروں ترقی دی دوڑ اچ اڳوں نکل سڳدے۔ اے ڳالھیں انہاں خمیس کوں گوگل کیریئر سرٹیفکیٹ پروگرام دی لانچنگ تقریب نال ورچوئل خطاب کریندیں ہوئیں آکھی۔ ایں پروگرام دے تحت گوگل پاکستان اچ آئی ٹی سپورٹ، آٹومیشن، پروجیکٹ مینجمنٹ، یو ایکس ڈیزائن، ڈیٹا اینالیٹکس، ڈیجیٹل مارکیٹنگ اتے ای کامرس جیھے اعلیٰ درجے دے آن لائن کورسز پیش کریندا پئے۔ صدرمملکت آکھیا جو ایں اقدام نال پاکستانی نینگر اتے تریمتیں اچ ولولہ پیدا تھیسی تانجو پاکستان دی ڈیجیٹل معیشت کوں بہتر کرݨ دے علاوہ معیشت اچ انہاں دی سانجھے داری ودھاوݨ اچ مدد ملسی۔