اقوام متحدہ ۔23ستمبر (اے پی پی):وفاقی وزیر اطلاعات و نشریات مریم اورنگزیب آکھیے جو ج گلوبل وارمنگ اتے موسمیاتی تبدیلیاں پوری دنیا دا مشترکہ مسئلہ اے، پاکستان اچ ایں ویلھے سیلاب پاروں ہیلتھ ڈیزاسٹر اے، سردیاں دی آمد اے، سیلاب متاثرین کوں دوائیں ، کمبل، گرم کپڑیں تے چادراں دی لوڑھ اے ، جیڑھے لوک متاثرین سیلاب دی مدد کرݨ چاہن او آپݨی مرضی توں خود ، این ڈی ایم …
پاکستان اچ سیلاب پاروں ہیلتھ ڈیزاسٹر اے، متاثرین کوں دوائیں ، کمبل، گرم کپڑیں تے ٻیاں چیزاں دی سخت لوڑھ اے ، وفاقی وزیر اطلاعات دی میڈیا نال ڳالھ مہاڑ
مزید خبراں
اقوام متحدہ ۔23ستمبر (اے پی پی):وفاقی وزیر اطلاعات و نشریات مریم اورنگزیب آکھیے جو ج گلوبل وارمنگ اتے موسمیاتی تبدیلیاں پوری دنیا دا مشترکہ مسئلہ اے، پاکستان اچ ایں ویلھے سیلاب پاروں ہیلتھ ڈیزاسٹر اے، سردیاں دی آمد اے، سیلاب متاثرین کوں دوائیں ، کمبل، گرم کپڑیں تے چادراں دی لوڑھ اے ، جیڑھے لوک متاثرین سیلاب دی مدد کرݨ چاہن او آپݨی مرضی توں خود ، این ڈی ایم اے اتے سول سوسائٹی دے ذریعے وی مدد کرسڳدن۔ جمعہ کوں اتھاں اقوام متحدہ سیکریٹریٹ لابی اچ وزارت اطلاعات و نشریات دے زیر اہتمام ”پاکستان اچ سیلاب ۔ موسمیاتی تبدیلی” دے موضوع تے منعقدہ تصویری نمائش دے دورہ دے موقع تے میڈیا نال ڳالھ مہاڑ کریندے ہوئیں وفاقی وزیر اطلاعات مریم اورنگزیب آکھیے جو سیلاب متاثرہ علاقیں اچ ٻہوں ساریاں تریمتاں امید نال ہن ، ایں ویلھے اتھاں ٻالاں دے کھیر ، بے بی فوڈ سودھے ٻیاں چیزاں دی سخت لوڑھ اے انہاں آکھیے جو وزیراعظم سندھ تے بلوچستان اچ خیمیں دی تقسیم دے حوالے نال ہدایات جاری کیتیاں ہن ، انہاں علاقیں اچ متاثرین دی لوڑھ دے مطابق خیمے تقسیم کیتے ویندے پئن ۔ انہاں آکھیے جو این ڈی ایم اے روزانہ دی بنیاد تے عوام کوں آپݨا ڈیٹا ݙیندے تے عوام کوں ݙسایا ویندے جو کیڑھی جاہ تے کیڑھی چیز دی لوڑھ اے ۔ وفاقی وزیر اطلاعات آکھیے جو سیلاب متاثرین کیتے ساریاں کاوشاں بروئے کار گھن آئیاں ویندیاں پئن، گزریل ݙینھ وزیراعظم سیلاب متاثرین دے حوالے نال جائزہ اجلاس دی صدارت کیتی جیں اچ پتہ لڳے جو پینا ڈول تے پیراسیٹامول دی کمی اے۔ انہاں آکھیے جو سیلاب پاروں کھنڈݨ آلیاں بیماریاں تے ڈینگی دی وجہ توں پینا ڈول اتے پیرا سیٹامول دی کھپت ودھ ڳئی اے، انہاں دوائیں دی ڈیمانڈ زیادہ تے پیداوار گھٹ اے جݙاں جو پیداواری لاگت وی زیادہ اے۔ انہاں آکھیے جو وزیراعظم واضح طور تے ہدایت کیتی اے جو انہاں دوائیں دیاں قیمتاں اچ ودھارا نہ کیتا ویسی ، وزیراعظم وزارت خزانہ کوں انہاں دوائیں تے سبسڈی ݙیوݨ دی ہدایت کیتی اے ۔ وفاقی وزیر اطلاعات آکھیے جو این جی اوز بند ہن، انہاں دی سکریننگ دا پراسیس وزارت داخلہ شروع کر ݙتے ، سیلاب متاثرہ علاقیں اچ ایں ویلھے این جی اوز اتے سول سوسائٹی ٻہوں چنڳاں کم کریندے پئن جیں دی وزیراعظم وی تعریف کیتی اے جݙاں جو عوامی سطح تے وی انہاں دی تعریف کیتی پئی اے ۔ مریم اورنگزیب آکھیے جو حکومت دی توجہ ایں ویلھے سیلاب آلے علقیں دی بحالی تے ہے ، گلوبل وارمنگ اتے موسمیاتی تبدیلی دے حوالے نال وزیراعظم عالمی سطح تے آواز چاتی اے جیڑھی جو پوری دنیا دا مشترکہ مسئلہ اے۔
