جنوبی پنجاب اچ مینھ تے سیلاب توں میپکو کوں 21 کروڑ 30لکھ روپے دا ضیان

ملتان۔25ستمبر (اے پی پی):ملتان الیکٹرک پاور کمپنی (میپکو) کوں جنوبی پنجاب اچ ودھ سارے مینھ تے سیلاب توں تقریباً 21 کروڑ 30لکھ روپے دا ضیان تھئے۔چیف انجینئر آپریشنز اینڈ مینٹیننس میپکو (او اینڈ ایم)رانا محمد ایوب اے پی پی نال ڳالھ مہاڑ کریندے ہوئیں آکھیے جو اڄوکے سیلاب دے دوران کمپنی دی تنصیبات بشمول 11کے وی دیاں لائناں متاثر تھئن۔انہاں آکھیے وزیراعظم دی ہدایت تے سی ای او میپکو انجینئر مہر اللہ یار بھروانہ دی زیر نگرانی بجلی دی بحالی دا کم جنگی بنیاداں تے مکمل کیتا ڳئے تاں جو سیلابی علاقیں اچ کجھ جہیں تے بجلی دی بحالی دا کم جاری اے۔انہاں آکھیے جو کمپنی صارفین کوں بلاتعطل بجلی ݙیوݨ کیتے پرعزم اے۔