شاہ سلمان ہیومینٹیرین ایڈ اینڈ ریلیف سینٹردی طرفوں پنجاب اتے سندھ دے سیلاب توں متاثرہ علاقیں اچ امدادی سامان ݙتا ڳئے

اسلام آباد۔25ستمبر (اے پی پی):شاہ سلمان ہیومینٹیرین ایڈ اینڈ ریلیف سینٹر (کے ایس ریلیف) دی طرفوں سندھ دے سیلاب توں متاثر تھیوݨ آلے علاقیں اچ امدادی سامان ݙتا ڳئے ، ساوݨ پاروں آوݨ آلے جان لیوا سیلاب وسط جون توں ملک اچ گھٹ توں گھٹ 1,606 لوکاں دی جان گھن ڳھدی 33 ملین متاثر تھئن۔سیلاب تقریباً 10 لکھ گھر تباہ تھئے ،مزید 10 لکھ مکان تے لائیو سٹاک کوں ضیان پڄے ، 370 توں ودھ پل اتے 40 لکھ ایکڑ زمین تے کھڑیاں فصلاں وھہہ ڳئن ۔تباہی نال نبݨݨ کیتے متاثرہ لوکاں دی مدد کیتے سعودی عرب دا کے ایس ریلیف پاکستان دے سیلاب آلے علاقیں اچ امداد ݙیوݨ اچ مصروف اے ، پنجاب دے ڈیرہ غازی خان، راجن پور اتے میانوالی دے ضلعیں تے صوبہ سندھ دے لاڑکانہ اچ تقریباً 2,130 کھاݨے دیاں ٹوکریاں، 37 خیمے اتے 260 مچھر داݨیاں ݙتیاں ڳئن، جیں توں 14,910 لوکاں فیدہ چاتے ۔ اےاقدامات خادم حرمین شریفین شاہ سلمان بن عبدالعزیز آل سعود دی طرفوں پاکستانی بھراویں کیتے اوکھے ویلھے مدد دے اقدامات دے تحت ݙتے ویندے پئن۔سعودی عرب اڄوکے مہینے پاکستان کوں امدادی سامان پڄاوݨ کیتے ھک ہوائی پل قائم کیتے تے نال ہی مملکت اچ سیلاب متاثرین کیتے عوام لوکاں توں عطیات وصول کرݨ کیتے مملکت اچ ساہیم پورٹل دا آغاز کیتے۔جنوبی ایشیائی ملک سیلاب دیاں تباہ کاریاں توں ہݨ تئیں سعودی انسانی امداد گھن تے گھٹ توں گھٹ پنج طیارے پاکستان پڄ چکن۔انہاں اگست اچ 100 ٹرک وی بھیجے جنہاں اچ 950 ٹن توں ودھ خوراک اتے ٻیاں امدادی چیزاں شامل ہن ۔