پاک فوج دا ہیلی کاپٹر بلوچستان دے علاقے ہرنائی دے نیڑے ݙہہ تے تباہ، پائلٹس جہاز اچ سوار سارے چھی جوان شہید تھی ڳئے، آئی ایس پی آر

راولپنڈی۔26ستمبر (اے پی پی) پاک فوج دا ہیلی کاپٹر بلوچستان دے علاقے ہرنائی دے نیڑے ݙہہ تے تباہ، پائلٹس جہاز اچ سوار سارے چھی جوان شہید تھی ڳئے۔پاک فوج دے شعبہ تعلقات عامہ (آئی ایس پی آر) دی مطابق پاک فوج دا ہیلی کاپٹر کل رات بلوچستان دے علاقے ہرنائی دے نیڑے فلائنگ مشن اچ ݙہہ تے تباہ تھی ڳیا۔ حادثے اچ شہید تھیوݨ آلیاں اچ پائلٹ میجر محمد منیب افضل، پائلٹ میجر خرم شہزاد شامل ہن، بئے عملے اچ نائیک جلیل، صوبیدار عبدالواحد، سپاہی شعیب اتے سپاہی محمد عمران شامل ہن۔ میجر خرم شہزاد دی عمر 39 سال ہئی اتے انہاں دا تعلق اٹک توں ہئی، شہیداں اچ شامل میجر محمد منیب افضل دی عمر 30 سال ہئی انہاں دا تعلق راولپنڈٰی توں ہئی، شہید صوبیدار عبدالواحد دی عمر 44 سال ہئی او کرک دی وستی صابر آباد دے رہݨ آلے ہن، ۔ شہید محمد عمران دی عمر 27 سال ہئی، او مخدوم پور خانیوال دے رہݨ آلے ہن، شہید نائیک جلیل دی عمر 30 سال ہئی، او ضلع گجرات دے رہݨ آلے ہن ، شہید سپاہی شعیب دی عمر 35 سال ہئی اتے او ضلع اٹک دے رہݨ آلے ہن۔