چھل متاثرین کوں طبی سہولتاں ݙیوݨ پہلی ترجیح، متاثرہ ضلعیاں اچ ہیلتھ کیمپس لاوݨ دا سلسہ جاری اے، وفاقی وزیر صحت عبدالقادر پٹیل

اسلام آباد۔27ستمبر (اے پی پی) وفاقی وزیر برائے قومی صحت عبدالقادر پٹیل آکھیا جو چھل متاثرین کوں طبی سہولتاں ݙیوݨ پہلی ترجیح، متاثرہ ضلعیاں اچ ہیلتھ کیمپس لاوݨ دا سلسہ جاری اے۔ منگل کوں وزارت توں جاری بیان موجب وفاقی وزیر آکھیا جو چھل متاثرین کیتے صحت دی سہولت دی ساری ضروری اقدامات کوں یقینی ٻݨیدے پیوں۔ انہاں آکھیا جو خیبرپختونخوا ، سندھ ، بلوچستان اتے پنجاب اچ 48 ہیلتھ کیمپس لاتے ڳئن۔ انہاں آکھیا جو خیبرپختونخوا دے 8 اضلاع اچ 16 ، پنجاب دے ݙو اضلاع اچ 4 ، بلوچستان دے 7 اضلاع اچ 14 اتے سندھ دے 10 اضلاع اچ 14 ہیلتھ کیمپس لاتے ڳئن۔