وزیراعظم شہباز شریف وزیر خزانہ مفتاح اسماعیل دا استعفیٰ منظور کرڳھدے

اسلام آباد۔27ستمبر(اے پی پی)پاکستان مسلم لیگ ن دے سینئر رہنما اتے وزیر خزانہ مفتاح اسماعیل وزیر خزانہ دے عہدے توں استعفیٰ ݙے ݙتے جیڑھا وزیراعظم شہباز شریف منظور کر ڳھدے۔ اے استعفیٰ انہاں وزیر اعظم شہباز شریف نال اسلام آباد اچ ملݨ ویلھے ݙتے۔ وزیراعظم شہباز شریف مفتاح اسماعیل دا استعفیٰ منظور کریندے ہوئے انہاں دی خدمات دی تعریف کیتی۔ مفتاح اسماعیل آکھیا جو عہدہ پارٹی اتے وزیراعظم دی امانت ہئی جیڑھی ولیندا پیاں، تہاݙی اڳواݨی اچ اڳو تے وی کم کریندا رہساں۔