دولت مشترکہ دے نمائندے 10 ویں دولت مشترکہ یوتھ وزرا ءاجلاس دے انتظامات دے جائزے کیتے پاکستان پڄ ڳین

اسلام آباد۔30ستمبر(اے پی پی) دولت مشترکہ دے نمائندے 10 ویں دولت مشترکہ یوتھ وزرا ءاجلاس دے انتظامات دے جائزے کیتے پاکستان پڄ ڳین۔ وفد اچ سوشل پالیسی ڈویلپمنٹ سیکشن دے سربراہ لین انتھونی رابنسن، ایونٹس اینڈ پروٹوکول منیجر عامرہ سرہانی، انفارمیشن سیکورٹی آفیسر انیمیش سنکھیان اتے سوشل پالیسی ڈویلپمنٹ سیکشن دی آپریشنز آفیسر تمارا باباو سدگرو شامل ہن۔ وفد وزیراعظم دی معاون خصوصی امور نوجوانان شیزہ فاطمہ خواجہ اتے ٻئے حکام نال ملیے۔ دولت مشترکہ یوتھ وزرا ءاجلاس دا 10 واں ایڈیشن پاکستان اچ تھیسی تاں جو ڄڳ دی توجہ پاکستان دی نینگر آبادی دے مسلیاں دو توجہ ݙیوائے ونڄے۔ دولت مشترکہ یوتھ وزرا اجلاس اچ پاکستان اچ موسمیاتی تبدیلی دے منفی اثرات کوں وی اڳونہا کیتا ویسی۔ اجلاس اچ 56 ملکاں دے یوتھ منسٹرز آسن۔