اسلام آباد۔30ستمبر(اے پی پی)صدر مملکت ڈاکٹر عارف علوی سیلاب زدگان دی مدد تے سعودی عرب دا شکریہ ادا کریندے آکھیے جو اوکھے ویلھے اچ اے امداد قابل تعریف اے، ساݙے ݙوطرفہ 4.6 ارب ڈالر دے تجارتی حجم کوں ٻیا ودھاوݨا چاہیدے۔ اے ڳالھ انہاں سعودی سفیر نواف بن سعید احمد المالکی نال ملݨ ویلھے آکھی۔ انہاں ݙوطرفہ تعلقات، تجارت و سرمایہ کاری، دے معاملیاں تے الایا۔ صدر مملکت سیلاب متاثرین دا ہتھ ونݙاوݨ سودھا اسلامی تعاون تنظیم اچ فلسطین، کشمیر اتے افغانستان بارے پاکستان دے موقف دی حمایت تے سعودی عرب دے کردار دی تعریف کیتی۔
