راولپنڈی۔30ستمبر(اے پی پی)افغانستان توں دہشت گرداں پاک فوج دے جواناں تے فائرنگ کیتی جیں پاروں پاک فوج دا ہک جوان شہید تھی ڳئے جݙاں جو پاک فوج دے تکڑے ولدے اچ دہشت گرداں کوں بھاری نقصان چاوݨا پئے۔ آئی ایس پی آر آکھیے جو دہشتگرداں بین الاقوامی سرحد دے پروں افغانستان توں ضلع کرم خرلاچی اچ پاک فوج دے جواناں تے فائرنگ کیتی۔ شہید سپاہی جمشید اقبال دی عمر 27 سال ہئی اتے او چنیوٹ دا رہݨ آلا ہا۔ پاکستان دہشت گرداں ولوں پاکستان دے خلاف سرگرمیاں کیتے افغان سرزمین استعمال کرݨ دی ودھ مذمت کریندے، توقع اے جو عبوری افغان حکومت اڳو تے اینڄھے سرگرمیاں کوں رکیسی، پاک فوج دہشت گردی دیاں پاڑاں پٹݨ اتے ملکی سرحداں دے دفاع کیتے پرعزم اے۔
