اسلام آباد۔1اکتوبر (اے پی پی) نیشنل فلڈ ریسپانس اینڈ کوآرڈینیشن سینٹر(این ایف آر سی سی) دے مطابق ملک دے چھل توں متاثرہ علاقیاں اچ مجموعی طور تے 13074کلومیٹر سڑکاں اتے 410پلاں دا ضیان تھیے۔ ساریاں توں ودھ متاثر علاقیاں اچ سندھ دے علاقےقنبر شہداد کوٹ، جیکب آباد، لاڑکانہ، خیر پور، دادو، نوشہرو فیروز، ٹھٹھہ اتے بدین جڈانجو بلوچستان دے متاثرہ علاقیاں اچ کوئٹہ، نصیرآباد،جعفرآباد،جھل مگسی،بولان،صحبت پور اتے لسبیلہ سمیت خیبر پختونخوا دے دیر، سوات،چارسدہ،کوہستان، ٹانک اتے ڈیرہ اسماعیل خان اتےپنجاب اچ ڈی جی خان اتے راجن پوردے علاقے شامل ہن۔ پاک فوج دی متاثرہ علاقیاں اچ امدادی کم جاری ہن۔ متاثرین دے انخلا کیتے آرمی ایوی ایشن دے ہیلی کاپٹرز دی ہݨ تئیں 627 پروازاں کیتی ڳئن۔ سندھ، جنوبی پنجاب اتے بلوچستان اچ پاک فوج دے147ریلیف کیمپس اتے157 ریلیف کولیکشن پوائنٹس کم کریندے پئن۔ این ایف آر سی سی دے مطابق ہݨ تئیں 11131.0 ٹن راشن اتے اشیائے ضرورت دے نال 12469435 اقسام دی دوائیں جمع کیتی ڳئن اتے 11041.7 ٹن خوراک، 1919.2 ٹن اشیائے ضرورت اتے 12410535 دوائیں تقسیم کیتی ڳئن۔
