اللہ تعالیٰ انسانیت دی ابدی فلاح کیتے حضورؐ کوں رحمت اللعالمین ٻݨائے، وزیراطلاعات مریم اورنگزیب

اسلام آباد۔9اکتوبر(اے پی پی)وفاقی وزیر اطلاعات و نشریات مریم اورنگزیب اہل وطن اتے ڄڳ واسیاں سودھا مسلماناں کوں جشن عیدمیلادالنبیۖ ﷺ دی مبارک ݙیندے آکھیے جو انسانیت دی ابدی فلاح کیتے اللہ تعالیٰ آپۖﷺ کوں رحمت اللعالمین ٻݨا تے ٻھیڄے۔ انہاں ٹویٹ کیتے جو اساں حضور نبی کریم ۖ ﷺ دی سیرت طیبہ تے عمل کرتے ڄڳ اتے آخرت اچ فلاح پا سڳدے ہیں، نبی کریم ۖ ﷺ دا اسوہ حسنہ انسانیت کیتے مشعل راہ اے۔ نبی کریم ۖ ﷺ اتے انہاں دی آل پاک تے لکھاں کروڑاں درود و سلام ہوون۔