مشیر برائے امور کشمیر و گلگت بلتستان قمر زمان کائرہ دا چلاس اچ مکان دی چھت ݙھاݨ نال انسانی جاناں دے ضیان تے افسوس

اسلام آباد۔9اکتوبر(اے پی پی)مشیر برائے امور کشمیر و گلگت بلتستان قمر زمان کائرہ چلاس دے علاقے بونرداس اچ ڳھر دی چھت ݙھاݨ نال تھیوݨ آلے جانی ضیان تے افسوس کیتے۔ انہاں واقعہ بارے سیکرٹری گلگت بلتستان توں رپورٹ وی منڳی اے۔ قمر زمان کائرہ آکھیے جو اللہ تعالیٰ جاں بحق افراد کوں جنت اچ ڄاہ ݙیوے اتے ورثا کوں صبر آوے جو اے اے سانھہ ٻھل سڳن۔