جنوبی پنجاب اچ چھل پاروں کپاہ دے2 لکھ 34 ہزار ایکڑ رقبے دا ضیان تھئے ، محکمہ زراعت پنجاب

اسلام آباد۔10اکتوبر (اے پی پی):محکمہ زراعت پنجاب آکھیے جو صوبہ پنجاب اچ سال2021-22 دے دوران کپاہ دے زیرکاشت رقبہ اچ گزریل سال دی نسبت قریباً16 فیصد ودھارا تھئے تاں جو امسال جنوبی پنجاب اچ چھل پاروں کپاہ دے2 لکھ 34 ہزار ایکڑ رقبے دا ضیان تھئے۔جیں توں پیداوار گھٹ ڳئی اے ، انہاں آکھیے جو پنجاب اچ جاری موسمیاتی تبدیلیاں پاروں تے بج دی منظور شدہ قمساں نہ رہاݨ پاروں وی پیداوار گھٹ تھیوݨ دا سامݨا اے ، حکومت پنجاب ایں حوالے نال منظور شدہ قسماں دے بج دی کاشتکاراں تئیں فراہمی کیتے توجہ ݙیندی پئی اے ۔محکمہ زراعت پنجاب موجب ملکی برآمدات دا60فیصد دارومدار کپاہ تے ہے جیں توں ودھ سارا زرِمبادلہ آندے، پاکستان کپاہ پیدا کرݨ آلا دنیا دا چوتھا وݙا ملک اے ۔زرعی ترجمان آکھیے جو کپاہ دی فصل ٻہوں اہمیت رکھیندی اے ، کپاہ دنیا دی ٹیکسٹائل انڈسٹری کیتے خام مال دا واحد ذریعہ اے،کپاہ دی فصل ساݙی ملکی معیشت کیتے وی ریڑھ دی ہݙی دی حیثیت رکھیندی اے ، ایں کیتے پاکستان اچ اڄ سنوار کوں کپاہ دا خصوصی ݙینھ منایا ویندا پئے ۔