اسلام آباد۔10اکتوبر (اے پی پی):وفاقی وزیر میاں جاوید لطیف آکھیے جو نواز شریف کوں ول ول روکیا ڳئے مگر اوعوامی حمایت تے طاقت توں ول ول منتخب تھی ویندن ، نواز شریف جیڑھے سوال چاتن انہاں دے جواب ملݨے چاہیدن ، جے کہیں صوبے دے وسائل دے بل بوتے تے کوئی مرکز تے حملہ آور تھی تے آپݨے من پسند فیصلے گھنݨ چاہندے تاں او جاݨ گھنے جو اساں ریاست …
نواز شریف جیڑھے سوال چاتن انہاں دے جواب ملݨے چاہیدن، وفاقی وزیرمیاں جاوید لطیف دی پریس کانفرنس
مزید خبراں
اسلام آباد۔10اکتوبر (اے پی پی):وفاقی وزیر میاں جاوید لطیف آکھیے جو نواز شریف کوں ول ول روکیا ڳئے مگر اوعوامی حمایت تے طاقت توں ول ول منتخب تھی ویندن ، نواز شریف جیڑھے سوال چاتن انہاں دے جواب ملݨے چاہیدن ، جے کہیں صوبے دے وسائل دے بل بوتے تے کوئی مرکز تے حملہ آور تھی تے آپݨے من پسند فیصلے گھنݨ چاہندے تاں او جاݨ گھنے جو اساں ریاست تے کوئی آنچ نہ آوݨ ݙیسوں ، سنوار کوں پریس کانفرنس توں خطاب کریندے ہوئیں انہاں آکھیے جو نواز شریف کوں ڈکٹیشن گھنݨ توں انکار کرݨ تے ہٹایا ڳیا،سوال اے ہے جو نواز شریف دے خلاف کون سازشاں کریندا رہیا ، نواز شریف جیڑھے سوال چاتن انہاں دے جواب ملݨے چاہیدن ، 2013 اچ جݙاں چین پاکستان کوں اقتصادی راہداری دا منصوبہ ݙیندا پیا ہئی تاں او ویلھے سازش کیں کیتی ہئی تے نواز شریف دے پھلدے پاکستان تے خوشحالی اچ رکاوٹ کئیں پاتی ، عمران خان پاکستان دے آوݨ آلیاں نسلاں دی خوشحالی اچ رکاوٹاں پاتن ، انہاں آکھیے ریاست اچ جݙاں لوک غلطیاں کریندن تے بعد اچ انہوں کوں منیندن تاں او بہادر لوک ہوندن ، نواز شریف ریاست کوں اڳوں گھن تے ونڄݨ دی ڳالھ کریندن جیں کوں این آر او دا ناں ݙتا ویندے انہاں آکھیے جو نواز شریف ݙوتہائی اکثریت توں برسراقتدار آئے تاں انہاں کوں چلݨ نہ ݙتا ڳیا۔
