امریکا -پاکستان مشترکہ سمندری مشقاں دے سلسلے اچ امریکی کوسٹ گارڈ دے ݙو بحری جہاز کراچی پڄ ڳئن

کراچی۔10اکتوبر(اے پی پی):امریکا تے پاکستان دی بحری افواج دی طرفوں مشترکہ سمندری مشقاں دے سلسلے اچ امریکی کوسٹ گارڈ دے ݙو بحری جہاز کراچی پڄ ڳئن جیڑھے جو شیڈول دے مطابق کراچی بندرگاہ تے 6توں 13اکتوبرتئیں موجود رہسن ۔ امریکی قونصلیٹ توں سنوار کوں جاری کیتے ڳئے اعلامیہ موجب امریکی کوسٹ گارڈ دے کپتان تے کموڈور پٹرول فورس سائوتھ ویسٹ ایشیاایرکہیلگن دی قیادت اچ یوایس سی جی سی کے فاسٹ ریسپانس کٹرسچارلسمولتھروپ (ڈبلیو پی سی 1141)اتے یوایس سی جی سی ایملینٹنل (ڈبلیو پی سی 1145)دی طرفوں سمندری مشقاں دا دورہ کیتا ڳئے جیڑھا جو امریکا تے پاکستان دی بحری افواج دے درمیان فنی مہارتاں دے تبادلے اتے مشترکہ سمندری مشقاں دا ھک اہم حصہ ہن ، ایں موقع تے امریکی کوسٹ گارڈ دے کپتان ایرکہیلگن آپݨی ڳاھ کریندے ہوئیں آکھیے جو دورہ پاکستان دے حوالے نال اساں پرجوش ہیسے تے اتھاں آوݨ اساں کیتے خوشی دی ڳالھ اے ، اساں ھک متحرک خطے اچ سانجھے تعلقات استوار کرݨ کیتے کوشاں ہیسے اڄوکے سال اساں امریکا-پاکستان تعلقات کوں75سال پورے تھیوݨ دا جشن منیندے پیوں ، ایں حوالے نال ساݙی بحری فوج اچ مشترکہ تعاون ݙوہیں ملکاں وچال مضبوط تعلقات دا مظہر اے۔ ݙوہیں ملکاں اچ اے تعاون تجارت، سرمایہ کاری، انسداد ماحوالیاتی تبدیلی، تعلیم، صحت عامہ اتے ثقافتی ورثیں دے تحفظ سودھے ٻئے شعباجات اچ جاری اے تے رہ ویسی ۔