بین الاقوامی طرز دا گوادرائیر پورٹ ستمبر 2023 تئیں آپریشنل تھی ویسی ،گوادر پورٹ حکام

اسلام آباد۔12اکتوبر(اے پی پی):گوادر اچ بین الاقوامی طرز دے ائیرپورٹ دی تعمیر تکھے جاری اے، ستمبر 2023 تئیں گوادر ائیر پورٹ آ پریشنل تھی ویسی ، گوادر پورٹ حکام دے مطابق ائیر پورٹ دی تعمیرنال شہر ترقی دے نویں دور اچ شامل ہوسی۔ پاک چین اقتصادی راہداری منصوبے دے تحت گوادر شہر کوں مرکزی اہمیت حاصل اے۔ گوادر اچ بین الاقوامی طرز دا ائیرپورٹ تھیوݨ وی انتہائی ضروری امر ہئی۔ گوادر انٹرنیشنل ائیرپورٹ دی تعمیر دا آغاز گزریل سال تھیا ہئی تے منصوبے تے کم زور و شور نال جاری اے ۔ گوادر دے جدید ترین ائیرپورٹ دے رن وے تے دنیا دے ساریں توں وݙے مسافر بردار طیارے 380 اے کوں وی لینڈنگ اتے اڑان بھرݨ دی سہولت موجود ہوسی ۔حکومت گوادر اچ جاری سارے ترقیاتی منصوبے مکمل کرݨ کیتے پرعزم اے ۔ گوادراچ ڈو سو 30 ملین ڈالر دی لاڳت توں تعمیر کیتے ونڄݨ آلا ائیرپورٹ گوادر شہر ایئرپورٹ دی ترقی کیتے پیش خیمہ ثابت تھیسی ۔