پاکپتن۔20اکتوبر(اے پی پی) وفاقی وزیر توانائی خرم دستگیرآکھیے جو حکومت ملک کوں بحراناں توں کڈھݨ دی ٻہوں کوشش کریندی پئی اے ، ڈالروختی 200 روپے توں تلے آویسی ،عمران خان دی حکومت غلط فیصلے کیتے جیں دا خمیازہ عوام کوں بھوڳݨا پوندا پئے ۔عوام کوں وختی ریلیف ݙتا ویسی ، اے ڳالھ انہاں پاکپتن دی تحصیل عارف والا دے دورے تے وفاقی پارلیمانی سیکریٹری انرجی اینڈ فنانس رانا ارادت شریف خان توں انہاں دے والد سابق ممبر قومی اسمبلی رانا زاہد حسین خان دی فوتکی تے تعزیت کریندے ہوئیں آکھی اے ۔ ایں موقع تے انہاں آکھیے جو مرحوم مسلم لیگ ن دا قیمتی اثاثہ ہن تے پوری زندگی پارٹی دے وفادار رہیے،انہاں دی خدمات کوں ہمیشہ یاد رکھیا ویسی ۔
