اسلام آباد۔20اکتوبر(اے پی پی) وفاقی وزیر اطلاعات و نشریات مریم اورنگزیب اسلامی تعاون تنظیم دے وزراءاطلاعات دے 12 ویں اجلاس اچ شرکت کیتے ترکی روانہ تھی ڳئی اے ۔ او آئی سی وزراءاطلاعات کانفرنس 21 توں 22 اکتوبر 2022ءتئیں استنبول اچ تھیسی ۔ اجلاس اچ کوڑیاں خبراں ، اسلامو فوبیا تے گمراہ کن پروپیگنڈے جیہے مسئلیں تے غور تھیسی ۔ کانفرنس اسلامی ملکاں دی سطح تے اسلام تے مسلماناں دے خلاف گمراہ کن پراپیگنڈا دے تدارک دی حکمت عملی تیار کریسی ۔ اجلاس دے موقع تے وزیراطلاعات ٻئے ملکاں دے ہم منصباں تے اعلیٰ شخصیات نال ملاقاتاں کریسن ۔ وزیر اطلاعات مریم اورنگزیب اپݨے دورہ ترکی اچ ثقافت و سیاحت دے نائب وزیر نال وی ملاقات کریسن ۔
