اسلامو فوبیا دے گھناﺅنے رجحان کوں روکݨ کیتے اوآئی سی دے وسیع کردار دی لوڑھ اے، جنوبی ایشیاء اچ مسلماناں دے خلاف نفرت انگیز تقریراں اتے جرائم تے تشویش اے، مریم اورنگزیب

استنبول ۔22اکتوبر  (اے پی پی) وفاقی وزیر اطلاعات تے نشریات مریم اورنگزیب آکھیا جو اسلامو فوبیا دے گھناﺅنے رجحان کوں روکݨ کیتے اوآئی سی دے وسیع کردار دی لوڑھ اے، جنوبی ایشیاء اچ مسلماناں دے خلاف نفرت انگیز تقریراں اتے جرائم تے تشویش اے۔  بھارت اچ بے گناہواں دا قتل، فرقہ وارانہ فسادات اتے الیکٹرانک تے سوشل میڈیا تے اسلام دی منفی تصویر کشی ودھدی پی اے۔ اساکوں سچائی دی خبراں دے ذریعے جعلی خبراں دا مقابلہ کرݨا پوسی۔ پاکستان اتے نائیجیریا جیھے او آئی سی دے کئی رکن ممالک دنیا اچ موسمیاتی تبدیلی دے خطرے توں ساریاں توں ودھ متاثر تھین۔ پاکستان اچ اڄوکے چھل پاروں تقریباً 40 ارب ڈالر دا نقصان تھیے۔ متاثرہ ملکاں اچ موسمیاتی تبدیلی نال نبڑݨ کیتے فنانسنگ کوں ودھایا وںجے۔ اے ڳالھیں اناہں ہفتے کوں او آئی سی وزراءاطلاعات کانفرنس دے 12 ویں اجلاس توں خطاب کریندیں ہوئیں آکھی۔ کانفرنس اچ 57 ملکاں دے مندوبین شریک ہن۔ وفاقی وزیر اطلاعات او آئی سی وزراءاطلاعات کانفرنس دے اجلاس اچ پرتپاک اتے فراخدلانہ مزمان نوازی تےترکیہ دی عوام اتے حکومت دا شکریہ ادا کیتا۔  وفاقی وزیر اطلاعات او آئی سی دے رکن ملکاں کوں درپیش چیلنجز اتے انہاں نال نبڑݨ کیتے میڈیا دے کردار آلے پاسے توجہ ݙویندیں ہوئیں آکھیا جو موسمیاتی تبدیلی اساݙے دور دا ساریاں توں وݙا مسئلہ اے۔ کجھ عرصہ پہلے ای پاکستان کوں موسمیاتی تبدیلی پاروں تباہ کن چھل دا سامݨا کرݨا پیا جئیں پاروں وݙے پیمانےتے جانی تے مالی ضیان تھیا۔ پاکستان دا ہک تہائی رقبہ پاݨی تلوں اے، 33 ملین توں ودھ لوک چھل توں متاثر تھین، ݙاہ لکھ مکاناں دا نقصان تھیے اتے پنج لکھ توں ودھ لوک امدادی کیمپاں اچ رہوݨ تے مجبور ہن۔ پاکستان اتے نائیجیریا جیھے او آئی سی دے کئی رکن ممالک دنیا اچ موسمیاتی تبدیلی دے خطرے توں ساریاں توں ودھ متاثر تھین۔ پاکستان اچ اڄوکے چھل پاروں تقریباً 40 ارب ڈالر دا نقصان تھیے۔ متاثرہ ملکاں اچ موسمیاتی تبدیلی نال نبڑݨ کیتے فنانسنگ کوں ودھایا وںجے۔او آئی سی دے رکن ممالک اچ میڈیا دی ذمہ واری اے جو او عالمی برادری ولوں خصوصی طور ترقی پذیر ملکاں اچ موسمیاتی تبدیلی نال نبڑݨ کیتے فوری، اجتماعی اتے فیصلہ کن کوششاں دی اہمیت کوں اجاگر کرے اتے کلائمیٹ فنانسنگ کوں ودھایا ونڄے۔ انہاں یقین ݙوایا جو او آئی سی وزراءاطلاعات کانفرنس با معنی غور تے خوض غلط معلومات اتے اسلامو فوبیانال نبڑم کیتے اجتماعی کوششاں اتے آپسی تعاون کوں ودھاوݨ اچ اہم کردار ادا کریسی۔