اسلام آباد۔26اکتوبر (اے پی پی) لائن آف کنٹرول دے ݙوہیں پاسوں اتے پوری دنیا اچ رہݨ آلے کشمیری کل بھارت دے غیر قانونی قبضہ دے خلاف کالا ݙینھ منیسن اتے جڳ کوں نشابر سنیھا ݙیسن جو او جموں تے کشمیر تے بھارت دے غیر قانونی قبضے کوں کݙاہیں نہ منیسن۔ ایں موقع تے پاکستان اچ وی مختلف تقریبات تھیسن۔ کل جماعتی حریت کانفرنس دی اپیل تے بھارت دے غیر قانونی …
کشمیری کل بھارت دے غیر قانونی قبضہ دے خلاف کالا ݙینھ منیسن
اسلام آباد۔26اکتوبر (اے پی پی) لائن آف کنٹرول دے ݙوہیں پاسوں اتے پوری دنیا اچ رہݨ آلے کشمیری کل بھارت دے غیر قانونی قبضہ دے خلاف کالا ݙینھ منیسن اتے جڳ کوں نشابر سنیھا ݙیسن جو او جموں تے کشمیر تے بھارت دے غیر قانونی قبضے کوں کݙاہیں نہ منیسن۔ ایں موقع تے پاکستان اچ وی مختلف تقریبات تھیسن۔ کل جماعتی حریت کانفرنس دی اپیل تے بھارت دے غیر قانونی زیر تسلط جموں تے کشمیر اچ 27 اکتوبر کوں ہڑتال کیتی ویسی اتے کشمیری عوام ایں ڳالھ دا ہک واری ولا اعادہ کریسن جو او بھارت دی غلامی توں آزادی تئیں آپݨی جدوجہد جاری رکھیسن۔ حریت کانفرنس بھارت دے غیر قانونی زیر تسلط جموں تے کشمیر اچ ہڑتال دی کال ݙیوݨ دے علاوہ پاکستان، آزاد جموں تے کشمیر سمیت ٻاہرلے ملک کشمیریاں اتے پاکستانیاں تے زور ݙتے جو او بھارت دے غیر قانونی قبضے اتےریاستی دہشت گردی آلے پاسے عالمی برادری دی توجہ ݙواوے۔
