پوری دنیا اچ رہݨ آلے کشمیری اڄ یوم سیاہ منیندے پن، مقصد دنیا کوں سنیھا ݙیوݨ اے جو بھارت جموں تے کشمیر تے انہاں دی امنگاں دے خلاف قبضہ کر رکھیے

سرینگر۔27اکتوبر  (اے پی پی) کنٹرول لائن دے ݙوہیں پاسوں اتے پوری دنیا اچ رہݨ آلے کشمیری اڄ یوم سیاہ منیندے پن جئیں دا مقصد دنیا کوں سنیھا ݙیوݨ اے جو بھارت جموں تے کشمیر تے انہاں دی امنگاں دے خلاف قبضہ کر رکھیے۔ کشمیر میڈیا سروس دے مطابق یوم سیاہ مناوݨ دی کال کل جماعتی حریت کانفرنس ݙتی اے۔  27 اکتوبر 1947 کوں جموں تے کشمیر تے بھارتی فوج دی جارحیت اتے نریندر مودی دی فسطائی بھارتی حکومت ولوں پنج اگست 2019 کوں مقبوضہ کشمیر دی خصوصی حیثیت دی منسوخی دی مذمت کیتے اڄ آزاد جموں تے کشمیر ، پاکستان اتے پوری دنیا اچ احتاجی مارچ، ریلیاں اتے سیمینار تھیندے پن۔