اسلام آباد۔27اکتوبر(اے پی پی)صدر مملکت ڈاکٹر عارف علوی سارے سٹیک ہولڈرز نال جامع اتے وسیع مشاورت نال دماغی و نفسیاتی صحت سانڳے نیشنل مینٹل ہیلتھ ہیلپ لائن شروع کرݨ تے زور ݙیندے آکھیے جو مذہبی سکالرز، مشہور شخصیات، سوشل میڈیا دی بااثر شخصیات اتے کمیونٹی لیڈراں کوں لوکاں اتے کالجاں دے طلباء کوں نفسیاتی اتے ذہنی صحت بارے آگاہی لو شراکت دار ٻݨاوݨا ہوسی۔ اے ڳالھ انہاں دماغی صحت بارے …
دماغی و نفسیاتی صحت بارے نیشنل مینٹل ہیلتھ ہیلپ لائن شروع کرݨ دی لوڑھ اے، صدر مملکت ڈاکٹر عارف علوی
اسلام آباد۔27اکتوبر(اے پی پی)صدر مملکت ڈاکٹر عارف علوی سارے سٹیک ہولڈرز نال جامع اتے وسیع مشاورت نال دماغی و نفسیاتی صحت سانڳے نیشنل مینٹل ہیلتھ ہیلپ لائن شروع کرݨ تے زور ݙیندے آکھیے جو مذہبی سکالرز، مشہور شخصیات، سوشل میڈیا دی بااثر شخصیات اتے کمیونٹی لیڈراں کوں لوکاں اتے کالجاں دے طلباء کوں نفسیاتی اتے ذہنی صحت بارے آگاہی لو شراکت دار ٻݨاوݨا ہوسی۔ اے ڳالھ انہاں دماغی صحت بارے اجلاس دی صدارت کریندے آکھی۔ اجلاس اچ چیئرپرسن قومی کمیشن برائے انسانی حقوق رابعہ جویری آغا، کنٹری ڈائریکٹر ڈبلیو ایچ او گونا رتھنا ماہی پالا، ڈین شفاء تعمیر ملت یونیورسٹی محمد طاہر خلیلی، ڈائریکٹر جنرل ہیلتھ ڈاکٹر شبانہ سلیم، ڈین ایف ایم ٹی آئی ڈاکٹر رضوان تاج، سائیکالوجی ڈیپارٹمنٹ ایئر یونیورسٹی ڈاکٹر عظمیٰ منصور، پاکستان سائیکاٹرک سوسائٹی توں پروفیسر ڈاکٹر امتیاز ڈوگر، ڈاکٹر آصف کمال اتے ٻنھاں شرکت کیتی۔ صدر مملکت سارے سٹیک ہولڈرز نال جامع اتے وسیع تر مشاورت نال دماغی و نفسیاتی صحت بارے نیشنل مینٹل ہیلتھ ہیلپ لائن شروع کرݨ دی لوڑھ تے زور ݙیندے آکھیے جو ہیلپ لائن نال لوکاں کوں انہاں دی ذہنی صحت بارے مشاورت اتے معلومات ݙتیاں ونڄ سڳدن۔
