اسلام آباد۔27 اکتوبر(اے پی پی)وزیراعظم دے مشیر برائے امور کشمیر قمر زمان کائرہ آکھیے جو عمران خان ملکی نظام کوں غیر مستحکم کرݨ چاہندن، عمران خان بند کمرے اچ منتاں کریندن اتے ٻاھرو دھمکیاں ݙیندن، انہاں اداریاں کوں ونݙݨ اتے قوم کوں ٻھڑاوݨ دی کوشش کیتی اے اتے سائفر دے ناں تے ڈرامہ رچائے،ٻنھاں کوں این آر او دا طعنہ ݙیوݨ آلے عمران خان ہݨ آپ این آر او منڳدن، ادارے اپݨا آئینی و قانونی کردار ادا کریندے راہسن۔ پریس کانفرنس اچ انہاں آکھیا جو پاک فوج دے ترجمان غیر معمولی نیوز کانفرنس کیتی اے۔ انہاں آکھیا جو ملک دی بہتری کیتے آئین دی بالادستی ضروری اے، سیاسی جماعتاں اتے اداریاں اپݨیاں غلطیاں توں سیکھئے، ادارے اپݨا آئینی کردار ادا کریندی پن اتے اداراں دا سیاست اچ مداخلت نہ کرݨ قابل تحسین اے۔ انہں آکھیے جو جمہوریت کیتے اساں ہر کہیں کوں اپݨا کردار ادا کرݨا ہوسی، ایہو توازن پاکستان کوں درست کریسی اتے ملکی استحکام دی وجہ ٻݨسی۔
