وزیراعظم شہباز شریف داامریکی حکومت ولوں سیلاب متاثرین کیتے وادھو 30 ملین ڈالر دے اعلان دا خیرمقدم

اسلام آباد۔28 اکتوبر(اے پی پی)وزیراعظم محمد شہباز شریف امریکی حکومت ولوں سیلاب متاثرین کیتے انسانی ہمدردی دی بنیاد تے وادھو 30 ملین ڈالر دے اعلان دا خیرمقدم کریندے آکھیے جو ڄڳ کوں چھل نال سامݨے آوݨ آلے المیے نال نمٹݨ کیتے اقوام متحدہ دی امداد دی اپیل اچ حصہ پاوݨا چاہیدے۔ ہک ٹویٹ اچ انہاں آکھیا جو سیلاب زدگان کیتے ٻعے 30 ملین ڈالر دی انسانی امداد دے اعلان تے امریکی حکومت دے شکر گزار ہیں، سیالے دے آندے ہی خوراک، صحت اتے رہائش دے چیلنجز بدستور برقرار ہین، سیلاب دے نقصانات دے اثرات ڳھٹاوݨ کیتے ڄڳ کوں فوری طور تے اقوام متحدہ دی امداد دی اپیل اچ حصہ ڳھنݨا چاہیدے۔