اسلام آباد۔29اکتوبر(اے پی پی):وفاقی وزیراطلاعات ونشریات مریم اورنگزیب آکھیے جو فارن فنڈد فتنہ شفاف الیکشن نئیں ملک اچ فساد، لاشاں اتے رت منڳدے، ایندے نال کوئی مذاکرات نا تھیسن، چیف الیکشن کمشنر انہاں دی بلیک میلنگ توں انکار کیتے اتے این آر او نئیں ݙتا تہوں اے لوکاں کوں گمراہ کرتے فساد کھنݙاوݨ چاہندے۔ ہک بیان اچ انہاں آکھیے جو فارن فنڈد فراڈ کوڑے فتنے کولو آکھݨ کوں کڄھ کائںی، سڑکاں تے گند کھنݙاوݨ نال انہاں دی اصلیت سامݨے آندی پئی اے اتے اے ہر روز بے نقاب تھیندن۔ وزیراطلاعات آکھیا جو فارن فنڈڈ فتنہ چیف الیکشن کمشنر کوں ہرجانے دا نوٹس ݙیوݨ توں پہلے شہباز شریف اتے خواجہ آصف دے ہرجانے دے نوٹسز دا ولدا ݙیوے، 5 سال توں شہباز شریف دے 10 ارب روپے ہرجانے دے مقدمے اچ عمران خان مفرور اے۔
