اسلام آباد۔29اکتوبر(اے پی پی)ماحولیات دے عالمی صحافتی ادارے کلائمیٹ ہوم نیوز ولوں کاپ 27 سمٹ اچ کلائمیٹ ایجنڈا ٻݨاوݨ آلیاں 9 شخصیات دی لسٹ جاری کیتی اے جیندے اچ وفاقی وزیر موسمیاتی تبدیلی سینیٹر شیری رحمان دا ناں وی شامل اے۔ کلائمیٹ ہوم نیوز دے مطابق اے 9 عالمی شخصیات مصر اچ کاپ 27 کاپ ایجنڈا ٻݨیسن۔ وفاقی وزیر شیری رحمان پہلے ہی سیلاب دے پیمانے، نقصانات اتے چیلنج کےسانڳے ڄڳ کوں ݙسینداں پن، وفاقی وزیر کلائمیٹ فنڈ دے نویں سلسلے کوں اڳو تے ودھاوݨ اچ اہم کردار ادا کریسن۔ فہرست اچ امریکی نمائندہ خصوصی برائے ماحولیات جان کیری، جرمنی دی جینیفر مورگن، یوگنڈا دی وینیسا نکیٹ، مصر دے محمود محی الدین، سینیگال دے صدر میکی سال، کینیا دے صدر ولیم روٹو، کولمبیا دے صدر گسٹاو پیٹرو، چین دے ماحولیاتی ایلچی ژی جینہوا شامل ہین ۔مصر اچ تھیوݨ آلی کلائمیٹ سمٹ اچ ڄڳ دے 197 ملک شرکت کریسن۔
