اسلام آباد۔29اکتوبر(اے پی پی)اوکھے ویلھے اچ ہک واری ول پاکستان دا سنڳتی اوندا ہتھ ونݙاوݨ اڳو آ ڳئے۔ چین پاکستان کوں ہنگامی بنیاد تے وادھو 50 کروڑ یوآن امداد دا فیصلہ کیتے۔ اے رقم 6 کروڑ 89 لکھ 41 ہزار 700 توںو دھ امریکی ڈالر ٻݨدی اے۔ وزیراعظم شہباز شریف دے آندے ہفتے چین دے دورے توں پہلے چین اچ وݙا فیصلہ کیتے اتے سیلاب زدہ علاقیاں اچ تعمیر نو کیتے 50 کروڑ یوآن امداد ݙیوݨ دا فیصلہ کیتے۔ چین وادھو ایمرجنسی معاونت دی پیشکش دا ݙسا ݙتے۔ وزیراعظم شہباز شریف دے دورہ چین اچ ایم او یو تے دستخط کیتے ویسن۔ ستمبر2022 اچ چین پاکستان کیتے 30 کروڑ یوآن دا اعلان کیتا ہا۔ تعمیر نو کیتے چین دی مجموعی امدادی رقم ودھ تے 80 کروڑ یو آن تھی ویسی۔
