لاہور۔29اکتوبر(اے پی پی)وزیراعلیٰ پنجاب چودھری پرویز الٰہی سیلاب متاثرین دی بحالی کیتے 12ارب دے فنڈز دی منظوری ݙے ݙتی اے۔ اے منظوری انہاں اپݨے زیرصدارت اعلیٰ سطح اجلاس اچ ݙتی جیندے اچ پنجاب احساس پروگرام دی سربراہ ڈاکٹر ثانیہ نشتر، صوبائی وزیر محسن لغاری اتے سابق وفاقی وزیر مونس الہیٰ شرکت کیتی۔ چودھری پرویز الٰہی آکھیا جو سیلاب متاثرین دی بحالی و آباد کاری کیتے 12 ارب روپے دے فنڈز منطور کیتن، حکومت پنجاب سیلاب متاثرین دی بحالی و آبادکاری کیتے 9 ارب روپے ݙیسی، چیئرمین پی ٹی آئی عمران خان دی اپیل تے سیلاب متاثرین لو ٹیلی تھون اچ 3.2 ارب روپے دے عطیات آئن جیندے اچ میں وی ہم۔ انہاں آکھیا جو گھراں اتے لائیوسٹاک دے نقصانات دے ازالے کیتے 10 ارب روپے رکھیے ڳین۔
