اسلام آباد۔22نومبر (اے پی پی)وفاقی وزیر اطلاعات تے نشریات مریم اورنگزیب آکھیا جو کوپ-27 اچ عالمی فنڈ دا قیام کرہ ارض کوں موسمیاتی تبدیلیاں دی تباہ کاریاں توں بچاوݨ اچ تاریخی سنگ میل اے۔ ماحولیاتی انصاف دا مطالبہ عالمی سطح تے منظور تھیوݨ پاکستان دی وݙی سفارتی کامیابی اے۔ موسمیاتی تبدیلیاں توں متاثرہ ملکاں دے نقصان دے ازالے کیتے عالمی فنڈ قائم تھیوݨ پاکستان دے موقف دے جت اے۔ منگل کوں آپݨے بیان اچ انہاں آکھیا جو پاکستان دے موقف کوں دنیا منیے۔ وزیر اعظم شہباز شریف ترقی پذیر ملکاں تے موسمیاتی تبدیلیاں دے مہلک اثرات اتے پاکستان اچ چھل دی تباہ کاریاں کوں عالمی ایجنڈے اچ بدل ݙتے۔ وزیراعظم شہباز شریف دی قیادت اچ پاکستان دے موقف عالمی اتفاق رائے پیدا کرݨ اچ فیصلہ کن کردار ادا کیتے۔ ‘ڈیمیج اینڈ لاس فنڈ’ دے قیام نال پاکستان اچ چھل متاثرین دی بحالی اچ مدد ملسی۔ انہاں آکھیا جو سیکرٹری جنرل اقوام متحدہ انتونیوگوتیرس ترقی پذیر ملکاں دے محسن ثابت تھین۔
