جکارتہ ۔24نومبر (اے پی پی) انڈونیشیا اچ زلزلے پاروں ڈہݨ آلی عمارت دے ملبے توں ݙو ݙینھ بعد چھی سال دے ٻال کوں جیندا کݙھ ڳھدا ڳیا۔ فرانسیسی خبر رساں ادارے موجب انڈونیشیا دےمغربی صوبے جاوا اچ سنوار کوں 5.6 شدت دا زلزلہ آیا ہئی جئیں اچ ہݨ تئیں 271 بندے ہلاک تھی ڳن۔ مقامی رضاکار جیکسن کولیبو ڈسیا جو انہاں ݙو ݙینھ بعد ملبے توں چھی سال دے ٻال کوں جیندا کݙھ ڳھدے۔ ٻال دی ماء اتے ݙاݙی زلزلے اچ جان دی بازی ہر ڳی ہن۔
