بیجنگ۔7دسمبر (اے پی پی):چین کابل اچ پاکستانی سفارتخانے تے حملے دی مذمت کریندے ہوئیں آکھیے جو چین ہر قسم دے تشدد اتے دہشت گرد کارروائیاں دی سختی نال مخالفت کریندے ۔ حملے اچ ھک سکیورٹی گارڈ شدید زخمی تھئے ۔ چینی وزارت خارجہ دی ترجمان مائو ننگ معمول دی بنیاد تے تھیوݨ آلی بریفنگ اچ ٻدھ کوں پاکستانی خبر رساں ایجنسی اے پی پی دی طرفوں کیتے ڳئے ھک سوال دے ولدے اچ آکھیے جو چین گزریل ہفتے کابل اچ پاکستانی سفارتخانے تے تھیوݨ آلے حملے دی شدید مذمت تے ہر قسم دے تشدد اتے دہشت گردی دی سختی نال مخالفت کریندے۔ انہاں حملے اچ زخمی تھیوݨ آلے بندے کیتے ہمدردی دا اظہار کیتے۔ ترجمان آکھیے چین افغانستان اچ سکیورٹی صورتحال تے نظر رکھی ہوئی اے ۔ انہاں آکھیے چین افغانستان دی قومی سلامتی اتے استحکام دے تحفظ تے ہر قسم دی دہشت گردی اتے تشدد نال نبݨݨ دی مضبوط حمایت جاری رکھیسی ۔
