اسلام آباد۔25دسمبر(اے پی پی)وزیراعظم محمدشہبازشریف آکھیے جو قائد اعظم ؒ دے اصول ایمان، اتحاد اتے تنظیم قوم کیتے کامیابی دی منزل ہین، قائد قوت ارادی، سوچ اتے جدوجہد نال سوچ دا رخ بلیے، اساں وی اپݨے لوکاں دی بھلائی کیتے کم کریندے راہسوں۔ ہک ٹویٹ اچ وزیراعظم آکھیے جو اساں قائد اعظم دے نظریے تے عمل کر تے ہر اوکھ کوں پچھو سٹ سڳدے ہیں، اصولاں دی پاسداری قائداعظم دی حیاتی دا حصہ رہے، اساں بحیثیت قوم قائد دے نظریات اپناوݨ اچ ناکام رہے ہیں، اتحاد دی کمی توں ودھ کوئی وی شے قوم کوں کمزور نئیں کرسڳدی، اڄ دے ݙینھ میݙا عزم اے جو اساں اپݨے لوکاں دی بھلائی کیتے کم کریندے رہے ہیں۔
