اسلام آباد۔26دسمبر(اے پی پی) ملتان، فیصل آباد اتے لاہور ایئرپورٹس تے کوہیڑ پاروں فلائٹ شیڈول معمولی متاثرتھئے تاں جو حد نگاہ اچ بہتری رہی۔ ترجمان ایوی ایشن دی طرفوں جاری ہوائی اݙیں تے کوہیڑ دی تازہ صورتحال متعلق رپورٹ موجب ملتان انٹرنیشنل ایئرپورٹ تے کوہیڑ آلا موسم اے حد نگاہ 100 میٹراے۔ انہاں آکھیے سویلے 11:30 وڄے تئیں حد نگاہ دی صورتحال خراب رہی لیکن ایندے اچ بہتری دی توقع اے۔ فیصل آباد انٹرنیشنل ایئرپورٹ تے کوہیڑ تے حد نگاہ200 میٹر اے تاں جو ایندے اچ بہتری دا رجحان اے۔لاہور علامہ اقبال انٹر نیشنل ایئرپورٹ تے کوہیڑ تے حد نگاہ 600 میٹر اے ایندے اچ بہتری آندی پئی اے ۔سنوار دی سویل 06:00 وڄے توں سویلے 09:00 وڄے تئیں حد نگاہ خراب رہی تاں جو کہیں پرواز اچ تاخیر نی تھئی تے کوئی پرواز منسوخ نی تھئی ۔ پی کے 979 اسلام آباد توں ٹورنٹو کیتے روانہ تھیسی، فی الحال فلائٹ آپریشن معمول تے ہے۔ ترجمان آکھیے براہ کرم ہوائی اݙے کیتے روانہ تھیوݨ توں پہلے کہیں وی اپ ڈیٹ کیتے اپݨی ایئر لائن نال رابطہ کرن ۔ www.caapakistan.com.pk توں وی معلومات ڳھدی ونڄ سڳدی اے تے کہیں وی فلائٹ متعلق پچھ ڳچھ کیتے انہاں نمبرز تے کال کتی ونڄ سڳدی اے۔
