واشنگٹن ۔10جنوری (اے پی پی) امریکا آکھیا جو پاکستان اچ چھل توں متاثرہ علاقیاں دی بحالی اتے تعمیر کیتے ٻئے ݙاہ کروڑ ڈالر دی امداد ݙتی ویندی پی اے اتے کل فنڈنگ ݙو سو ملین ڈالر تھی ویسی۔ امریکی محکمہ خارجہ دے ترجمان نیڈ پرائس پریس بریفنگ اچ ݙسیا جو پاکستان اچ گزریل سال دے تباہ کن چھل دے بعد امریکی حکومت پاکستانی انتظامیہ نال رل تے بحالی اچ تعاون، فوڈ سکیورٹی، آفات نال نبڑݨ دی تیاری اتے استعداد اچ ودھارے تے کم کریندی پی اے۔ انہاں آکھیا جو اساکوں اے ݙسا تے خوشی محسوس تھیندی پی اے جو بحالی اتے تعمیر نو کیتے ٻئے سو ملین ڈالر دا اعلان کر تے امریکا اپݨی کل امداد کوں ݙو سو ملین ڈالر تئیں پڄا ݙتے۔
