کابل ۔12جنوری (اے پی پی) داعش بدھ کوں افغانستان دے دارالحکومت کابل اچ دفتر خارجہ دے دفتر دے باہر خودکش دھماکے دی ذمہ واری قبول کر ڳھدی اے۔سعودی خبررساں ادارے دے مطابق داعش دی ایجنسی ‘اعماق’ ٹیلی گرام ایپلی کیشن دے ذریعےݙسیا جو داعش خراسان افغان وزارت خارجہ دے ٻاہر خودکش دھماکا کیتے۔ افغان پولیسموجب دھماکے اچ پنڄ بندے ہلاک اتے کئی زخمی تھیے۔ داعش موجب اے حملہ اوں ویلھے کیتا ڳیا جئیں ویلھے افغان طالبان اتے غیر ملکی سفارتکاراں دا ہک وفد افغانستان اچ سکیورٹی دی صورتحال بارے مذاکرات کرینداپیا ہئی۔
