کھٹمنڈو۔15جنوری(اے پی پی)نیپال دے پوکھارا بین الاقوامی ہوائی اڈے دے رن وے تے ہک 72 سیٹاں آلا مسافر طیارہ ݙھے تے تباہ تھی ڳئے۔ یٹی ایئر لائنز دے ترجمان موجب کھٹمنڈو توں پوکھرا ونڄݨ آلا یٹی ایئر لائنز دا مسافر طیارہ پوکھارا بین الاقوامی ہوائی اڈے دے نیڑے ݙھے تے تباہ تھئے جیندے اچ 68 مسافر اتے عملے دے چار ڄݨے سوار ہن۔ طیارے کوں ݙھاندے ہی ٻھا لڳ ڳئی جیندے نال مسافر سڑ موئن۔ واضح راہوے جو نیپال اچ طیارہ حادثے معمول ہین۔ پچھلے 30 سال اچ نیپال اچ تقریباً 30 طیارے حادثے دا شکار تھین۔
