اسلام آباد۔18جنوری(اے پی پی)صدر مملکت ڈاکٹر عارف علوی ملک بھر دے چیمبرز آف کامرس اینڈ انڈسٹری دے صدور نال ملین اتے الیندے آکھیے جو پارلیمنٹ، عدلیہ، حکومت و تاجر برادری دے مسلیاں دے حل کیتے لر تے کم کرݨ دی لوڑھ اے، ملک اچ سیاسی، معاشی و مالی استحکام کیتے کوششاں کرݨیاں ہوسن اتے سیاسی و جمہوری عمل دے خلاف سازشاں دے اڳو بند ٻدھݨا ہوسی۔ صدر نال ملݨ آلیاں اچ خواتین چیمبرز آف کامرس، سمال اینڈ میڈیم چیمبرز آف کامرس، اپٹما، پاکستان پولٹری ایسوسی ایشن اتے اسٹاک ایکسچینج دے نمائنداںس ودھا کراچی، لاہور، فیصل آباد، سرحد اتے راولپنڈی چیمبرز آف کامرس اتے فارماسیوٹیکل سیکٹر دے اڳواݨ وی موجود ہن۔ صدر مملکت آکھیا جو پاکستان دی معاشی صورتحال پاروں سیاسی فریقین دی صلاح اتے اتفاق نال تیکھے عام انتخابات تھیوݨ ضروری ہین جو ہک مکمل نمائندہ حکومت چݨیڄے۔ انہاں آکھیا جو آئی ایم ایف نال معاہدے تے دستخط ہک اہم فیصلہ اے جیندے نال ملک کوں اپݨی مالی و اقتصادی مشکلات حل کرݨ اچ مدد ملسی۔
