اسلام آباد۔19جنوری(اے پی پی) قومی ادارہ صحت( این آئی ایچ )آکھیے جوملک اچ24 گھنٹے اچ کورونا وائرس دے17نویں کیس رپورٹ تھئن ۔خمیس کوں این آئی ایچ دی طرفوں جاری اعدادوشمار موجب پورے ملک اچ چووی گھنٹے اچ4 ہزار136کورونا ٹیسٹ کیتے ڳئن جنہاں اچوں 17ٹیسٹ مثبت آئے۔ ایں دوران کورونا ٹیسٹ دی مثبت شرح 0.41 فیصد رہی۔ایں دوران کورونا وائرس توں کوئی مریض جاں بحق نی تھیا جݙاں جو 13مریضاں دی حالت تشویشناک اے۔ پورے ملک دے مختلف شہراں اچ 24گھنٹے اچ کیتے ڳئے ٹیسٹاں اچ اسلام آباد اچ263ٹیسٹ کیتے ڳئن جنہاں اچون 3 مریضاں دا ٹیسٹ مثبت آئے تے اتھاں مثبت کیساں دی شرح 1.14فیصد رہی ، ایویں لاہور اچ 221 ٹیسٹاں اچوں4 دے ٹیسٹ مثبت جݙاں جو اتھاں شرح 1.81 فیصد، کراچی اچ کیتے ڳئے 186 ٹیسٹاں اچوں2 مریضاں دا ٹیسٹ مثبت جݙاں جو اتھاں شرح 1.08فیصد اتے راولپنڈی اچ 124 ٹیسٹ کیتے ڳئں جنہاں اچوں ھک مریض دا ٹیسٹ مثبت آئے جݙاں جو اتھاں مثبت کیساں دی شرح 0.81فیصد رہی۔
