اسلام آباد۔22جنوری(اے پی پی):اسلامی تعاون تنظیم (او آئی سی) دے سیکرٹری جنرل حسین براہیم طحہ اسٹاک ہوم سویڈن اچ ترک سفارتخانے دے سامݨے سڄے ہتھ دے انتہا پسنداں دی طرفوں قرآن پاک دی بے حرمتی دی شدید الفاظ اچ مذمت کیتی اے ۔ اتوار کوں جدہ اچ او آئی سی سیکرٹریٹ دی طرفوں سیکرٹری جنرل دے حوالے نال بیان اچ او آئی سی دے سیکرٹری جنرل سویڈش حکام تے زور ݙتے جو او ایں نفرت انگیز جرم دے مرتکب لوکاں دے خلاف ضروری اقدامات کرن، او ایں طرح دیاں کاروائیاں کوں ول تھیوݨ توں روکݨ تے اسلامو فوبیا نال لڑݨ کیتے یکجہتی کیتے بین الاقوامی کوششاں اچ ودھارے دا مطالبہ کریندن ۔انہاں مزید آکھیے سڄے ہتھ دے انتہا پسنداں دی طرفو ول ول کیتی ونڄݨ آلی اشتعال انگیز کارروائی مسلماناں کوں نشانہ بݨائے ، انہاں دی مقدس اقدار دی توہین کیتی تے اسلامو فوبیا، نفرت، عدم رواداری اتے زینو فوبیا دی خطرناک مثال قائم کیتی اے ۔
