وزیراعظم دا نیشنل انرجی ایفیشینسی اینڈ کنزرویشن اتھارٹی دی نویںس رو بحالی دا فیصلہ، شاہد خاقان عباسی دی اڳواݨی اچ بین الوزارتی سٹیئرنگ کمیٹی ٻݨا ݙتی

اسلام آباد۔6فروری(اے پی پی)وزیراعظم محمد شہباز شریف نیشنل انرجی ایفیشینسی اینڈ کنزرویشن اتھارٹی (نیکا) دی نویں سروں بحالی دا فیصلہ کریندے ہوئے سابق وزیراعظم شاہد خاقان عباسی دی اڳواݨی اچ بین الوزارتی سٹیئرنگ کمیٹی ٻݨا ݙتی اے۔ اے فیصلہ وزیراعظم محمد شہباز شریف دی اڳواݨی اچ ملک اچ توانائی دی بچت سانڳے اقدامات دے جائزہ بارے اجلاس اچ کیتا ڳئے۔ وزیراعظم نیکا دی کارکردگی اتے ایندے اچ خامیاں تے کوڑیندے ہوئے آکھیے جو وسائل دا ضیان کرݨ اتے ادارے بند کرݨ درست نئیں، نیکا کوں فعال کیتا ویسی، نیکا ماہرین تعمیراتی، صنعتی، مواصلات، پاور اتے زراعت دے شعبے اچ توانائی دی بچت کیتے وزارتاں کوں حکمت عملی ݙیون۔ اجلاس کوں نیشنل انرجی ایفیشینسی اینڈ کنزرویشن اتھارٹی (نیکا) دی استعداد، بجٹ اتے مینڈیٹ تے بریفنگ ݙتی ڳئی جو قومی نیشنل انرجی ایفیشینسی اینڈ کنزرویشن پالیسی دا مسودہ تیکھے کابینہ اجلاس اچ منظوری کیتے پیش کیتا ویسی۔ اجلاس اچ سابق وزیراعظم شاہد خاقان عباسی، وفاقی وزراء اسحاق ڈار، خرم دستگیر خان، مشیرِ وزیراعظم احد چیمہ، وزیر مملکت برائے پٹرولیم ڈاکٹر مصدق ملک، معاونین خصوصی جہانزیب خان، سید فہد حسین اتے متعلقہ اعلیٰ حکام شرکت کیتی۔