صدر مملکت ڈاکٹر عارف علوی لیڈی ریڈنگ ہسپتال اچ پولیس لائنز دھماکے دے زخمیاں دی عیادت کیتی، حکومت ، فوج اتے عوام رَل تے ولا دہشت گردی دا مقابلہ کریسن، ڈاکٹر عارف علوی

اسلام آباد۔7فروری (اے پی پی) صدر مملکت ڈاکٹر عارف علوی آکھیا جو پاکستانی قوم، سکیورٹی فورسز اتے فوج دہشتگردی دا جینویں مقابلہ کیتے اوندی مثال نی ملدی، حکومت ، فوج اتے عوام رَل تے ولا دہشت گردی دا مقابلہ کریسن۔ اے ڳالھیں انہاں منگل کوں لیڈی ریڈنگ ہسپتال پشاور اچ پولیس لائنز دھماکے دے زخمیاں دی عیادت کریندیں ہوئیں آکھی۔ ایوان صدر دے پریس ونگ موجب صدرمملکت دھماکے دے زخمیاں دے حال بارے طبی عملے اتے انتظامیہ نال تفصیلی ڳالھ کیتی۔ انہاں زخمیاں نال یکجہتی کریندیں ہوئیں انہاں دی جلدی صحت یابی کیتے دعا کیتی۔ انہاں دھماکے اچ بچݨ آلی کلھی تریمت دی وی عیادت کیتی اتے واقعے اچ تریمت دے ٹٻر دے بندیاں دی شہادت تے افسوس کیتا۔صدرمملکت زخمیاں کوں ݙتی ڳی طبی امداد تے اطمینان کیتا۔