اسلام آباد۔7مارچ(اے پی پی) چئیرمین سینیٹ محمدصادق سنجرانی ”ایجوکیشن پارلیمنٹرین کاکس پاکستان“ کیتے ایس او پیز اتے ٹرمز آف ریفرنس وضع کرݨ دی ہدایت کریندے ہوئیں آکھیے ایس ڈی جیز دے اہداف دے حصول اتے تعلیم کوں مزید ودھارا ݙیوݨ کیتے ”ایجوکیشن پارلیمنٹرین کاکس پاکستان“ دا افتتاح سینیٹ آف پاکستان دا اہم قدم اے، آئین دے آرٹیکل 25-اے دےتحت سارے ٻالاں کیتے معیاری تعلیم دے حصول کوں یقینی بݨاوݨ کیتے اقدامات ناگزیر ہن۔ اے ڳالھ انہاں منڳل کوں سینیٹ سیکریٹریٹ بلاک-سی اچ ”ایجوکیشن پارلیمنٹرین کاکس پاکستان“ دے افتتاح دے موقع آکھی اے ۔ سینیٹ سیکرٹریٹ موجب سینیٹر ثناء جمالی ”ایجوکیشن پارلیمنٹرین کاکس پاکستان“ دی کنوینئر ہوسن ۔ چئیرمین سینیٹ آکھیے افتتاح دے بعد ہݨ کاکس دی ذمہ واری اے جو سارے صوبیں نال تعاون ودھایا ونجے۔
