اسلام آباد۔7مارچ(اے پی پی)وفاقی وزیر اطلاعات و نشریات مریم اورنگزیب آکھیے جو عمران خان چار سال تئیں اپݨی حکومت ویڈیا لنک تے چلائی رکھی اے اتے ہݨ انہاں دی ”عدالت توں بچاو“ تحریک وی ویڈیو لنک تے چلسی ڄیڑھا آہدے جو میݙی عدالت پیشی وی ویڈیو لنک تے تھیوے، عدالتاں کوں تاریخ تے تاریخ نئیں ݙیوݨی چاہیدی اتے تیکھے عمران خان کوں قانون دے کٹہرے اچ کھڑا کرن، ایویں تاں کوئی وی ملزم عدالتاں اچ پیش نا تھیسی۔ میڈیا نال الیندے انہاں آکھیا جو اینڄھا ملزم نئیں ݙٹھا جیڑھا مرضی دی پیشی منڳدا ہووے، اے عدالت بچاﺅ نئیں ”عدالت توں بچاو“ تحریک اے، انہاں پیش نئیں تھیوݨا اتے ایویں فساد کھنݙائی رکھݨے، ٻئے پاسو نوازشریف دھی دے کٹھے بغیر کہیں جرم دے روز عدالتاں اچ ویندے ہن، عمران خان پولیس دے ݙر توں ہک گور توں ٻئی اچ لک ویندن اتے قانون دا تماشا لایا ہوئے، اے کہین وی جرم اچ ہݨ تئیں کہین عدالت پیش نئیں تھیا جو ایندے کولو ولدا ہی کائنی۔۔ جیکر اے عدالت پیش نا تھیا تاں وارنٹ گرفتاری تے پکڑ تے عدالت پیش کرݨا چاہیدے۔
