اسلام آباد۔11مارچ (اے پی پی) وزیراعظم شہبازشریف آکھیا جو عمران خان اپݨے ای آئی ایم ایف پروگرام دی بحالی ناکام ٻݨاوݨ دی کوشش کریندا پے، سڑکاں تے اتراتفری اتے فتنہ فساد ایں ایجنڈے دا حصہ اے، بزدل شخص عدالت کوں تلاشی نی ݙینداں کیونجو مجرم اے۔ چھݨ چھݨ کوں وزیراعظم آفس توں جاری بیان اچ انہاں آکھیا جو عمران خان چاہندے جو ملک اچ عدم استحکام دی ٻھاہ بھڑکے، اے نی چاہندا جو غریب عوام کوں مہانگ، معاشی دباؤ توں نجات ملے اتے پاکستان کیتے وسائل دا راہ سوکھا تھیوے۔ انہاں آکھیا جو عمران خان دا عدالتاں توں ٻھجݨ بزدلی دی انتہا اے۔
